Plan
Om kurset:
Me blir ei passeleg stor gruppe – rundt ti stykker.
Me skal møtast fysisk i Bergen ein gong i veka, seks gonger i alt.
Me skal jobba med kvar deltakar sine forteljingar. Kor mykje den enkelte vil dela med gruppa avgjer ho eller han sjølv.
Målet er at kvar deltakar skal ha sitt fyrste memoar klart til publisering eller deling når kurset er slutt.
Dersom interessa er stor, startar vi på same tid eit digitalt kurs for deltakarar utanom Bergen.
Fyrste gong me køyrer kurset, vil kursavgifta vera 2.500,- kroner.
(For medlemmer av Memoar vil kursavgifta vera 2.000,-)
Kursleiar - både for fysisk og digitalt kurs - vil vera Bjørn Enes, frilansjorunalist og tidlegare leiar av Memoar.
Kursplan:
Digitalt kurs startar fredag 12. januar - påmeldte får tilsendt nettadresse
Fyrste samling - ca 3 timar:
Presentasjonsrunde. Vi tar oss god tid til å bli litt kjende med kvarandre, og til å utveksle tankar om kva ei livsforteljing - eit memoar - kan innehalde.
Kursleiar går gjennom ambisjonane med kurset, kva vi skal innom og korleis utbytet kan bli best.
Vi diskuterar kvifor eit munnleg historie intervju er ein god oppstart - sjølv om målet er ei bok. Planen er at alle deltakarane skal få tilbod om eit slikt intervju - med resten av gruppa som tilhøyrarar. Vi avtalar kven som skal bli intervjua på samling 2. Og vi avtalar nokre enkle "heimeoppgåver" til neste gong.
Andre samling - ca 3 timar:
Sidan sist: Samtale.
Introduksjon av logging undr intervjuet.
Intervju 1 – ein av deltakarane - ca. ein time.
Samtale om intervjuet. Kva var det mest interessante? Egnar det seg for publisering? Er noko i intervjuet "berre" interessant for familie/slekt? Kva for "publiseringsstrtegi" har ho/han som blei intervjua? (Skriftleg eller munnleg? Offentleg eller berre slekt? Dokumentarisk eller essayistisk?) Har gruppa og/eller kursleiar råd om arbeidet vidare?
Litt om å lage disposisjon eller ein stikkordsmessig plan for memoaret
Siste punkt vert neste samlings "hovudforteljar" - kven skal bli intervjua på tredje samling?
Tredje samling:
Sidan sist: Vi tar oss god tid til å høyre etter-refleksjonar hos ho/han som blei intervjua sist og hos tilhøyrarane. Dette er også ei veldig plass å diskutere eit eller fleire av dei generelle problemstillingane som er nevnt i tekstboksen under "timeplanen".
Intervju 2 – Ein av deltakarane. Dei andre loggar intervjuet undervegs
Samtale om intervjuet ut frå same plan som sist.
Litt om forholdet mellom disposisjon/ stikkordsmessig plan for heile memoaret og ei minste enkeltforteljingane. Opmoding om å skriva ein tekst til neste gong (frå tre linjer – til mange sider)
Til slutt blir vi samde om kven som skal bli intervjua neste gong.
Fjerde samling:
Sidan sist: Også denne gong tar vi oss god tid, både til etterrefleksjonar om førre intervju, tankar om disposisjon og døme på tekstar. Om ikkje det naturleg kjem opp eit av dei generelle temaa som er nevnt under, så sørgjer kursleiar for at vi går inn på eit av dei.
Intervju 3 – Ein av deltakarane - dei andre loggar undervegs.
Samtale etter intervjuet ut frå same plan som sist.
Om bilde: Oppmoding om at alle leitar fram bilde til femte samling.
Om nytt opplegg for femte samlimng: Dei som gjerne vil bli intervjua utan tilhøyrarar for tilbod om ein-til-ein-intervju før neste samling.
Mellom fjerde og femte samling gjennomfører vi ein serie ein-til-ein-intervju der berre kursleiar og ein av deltakarane er til stade om gongen. Ca. ein time pr. intervju.
Femte samling:
Sidan sist: Samtale.
Resterande intervju: Gjennom dei tre føregåande intervjua "i plenum" og serien av ein-til-ein-intervju, har fleirtalet av gruppa nå blitt erfarne både som lyttarar og som forteljarar. Denne gongen tar vi oss ikkje tid til samtale etter kvart intervju - berre ein kort pause mellom kvart intervju. (Dersom vi ikkje rekk det innan rimeleg tid, lagar vi ei ekstrasamling)
Foto - samtale og skanning (for dei som berre har papirfoto)
Opplegg for siste samling: Boka om ditt liv.
Sjette samling:
Alle som har blitt intervjua får ein lyd- eller videoversjon og ein maskintranskribert tekst-versjon av intervjuet.
Vegen vidare fram til bok: Tilråding av arbeidsplan med retting av maskintranskripsjon, kapittelinndeling, utfylling av fleire enkeltforteljingar, illustrasjonar. spåråkvask - korrektur - design og trykk.
Vegen vidare fram til podcast / videocast: Publisering på minnepinne til enkeltmottakarar og familiearkiv - eller på nett til "heile verda".
Avlevering til offentleg arkiv? Memoar meiner at slike livsforteljingar som deltakarane nå har laga er viktig kulturarv som bør bevarast i nasjonalbiblioteket eller Arkivverket.
Evaluering til sist: Korleis kan kurset gjerast endå betre for neste deltakargruppe?
Generelle tema:
Dette er ei stikkordsmessig liste over tema som vi tar saman med diskusjonane om det enkelte memoaret/intervjuet:
Etikk: Omtale av andre, omtale av born, helse og andre sensitive data.
Sant - usant og "godt fortald": Store tema - til evig diskusjon!
Kva er eit godt bilde? Om å jere utval av bilde. Om ophavsrettar og etikk når det gjeld bruk av bilde. Billedtekstar
Mikrohistorie og makrohistorie: Korleis speglar ei livshistorie den store forteljinga om utviklinga av landet og verda? Er livsforteljingar kulturarv?
Kva gjer ei forteljing god? Alle forteljarar sitt hovudsprøsmål har tusen svar - nokra av dei kan vi rekke å snakke om!
Kven skal du fortelje til? Konkurransen er knallhard om plassen i massemedia. Men slekt, vener, kollegaer, andre spesielt interesserte og komande generasjonar er målgrupper det er meiningsfullt å fortelje til.